வசந்தம்

நாங்களும் கடற்கரை போனோம் - பாகம் இரண்டு

2008-01-10T21:58:00.001+11:00

அவுஸ்திரேலியாவின் புகழ்பெற்ற சுற்றுலாவுக்கான இடங்களிலொன்று Great Ocean Road.
இது விக்ரோரிய மாநிலத்தில் அமைந்துள்ளது. மெல்பேண் நகர்ப்பகுதியிலிருந்து அண்ணளவாக ஒன்றரை மணிநேர வாகனப்பயணத் தூரத்தில் இது தொடங்குகிறது.
பெயருக்கேற்றமாதிரி இதுவொரு கடற்கரைச் சாலை. இச்சாலை சில நூறு கிலோமீற்றர்கள் நீளத்தைக்கொண்டது. இச்சாலையின் வழியே ஏராளமான சுற்றுலாத்தளங்களுள்ளன. முக்கியமானவை கடற்கரைகள்தாம். இச்சாலையில் புகழ்பெற்ற பல கடற்கரைகளுள்ளன என்றாலும் இதன் நீளம் முழுவதும் ஏதாவதோர் இடத்தில் மக்கள் கடற்குளித்துக்கொண்டுதானிருப்பார்கள். இச்சாலை வழியே சுற்றுலா செல்வதாயின் முழுவிடங்களும் பார்க்க வேண்டுமானால் அண்ணளவாக நான்குநாட்களாவது தேவை. ஆங்காங்கே விலையுயர்ந்த தங்குமிட வசதிகளுள்ளன.

[சில தமிழ்ச்சினிமாப் படங்களில் இச்சாலையிலுள்ள சில சுற்றுலாத்தளங்கள் இடம்பெற்றிருக்கின்றன. நாங்கள் போவதற்கு இரண்டுநாட்களின் முன்பு சிலம்பரசன் ஒரு பாடற்காட்சியைப் படமாக்கினார்.]

கடந்த ஐந்தாம்நாள் நாம் இந்தக் கடற்கரைச்சாலையின் குறிப்பிட்ட தூரம்வரை சென்றிருந்தோம்.
இச்சாலையிலுள்ள ஐந்தாறு கடற்கரைகரைகளில் தங்கினாலும் மிகப்புகழ்பெற்ற கடற்கரையொன்றான Lorne கடற்கரையில்தான் குளித்தோம்.

நாம் முதலிற் சென்றது ஒரு நீர்வீழ்ச்சிக்கு.
இது Lorne கடற்கரைக்கு நேராக காட்டுக்குள் பத்து கிலோமீற்றர்கள் தொலைவில் அமைந்துள்ளது. கோடைகாலமாதலால் நீர் அதிகமில்லை. ஆனால் நீர்வீழ்ச்சியில் நேரடியாக நின்று குளிப்பதற்கு ஏதுவாக இருந்தது. இப்படம் நீர்வீழ்ச்சியிலிருந்து நூறுமீற்றர் தூரத்திலிருந்து எடுக்கப்பட்டது.

நாங்கள் நீர்வீழ்ச்சியில் நேரடியாக நின்று குளித்ததைக் கண்ட அவுஸ்திரேலிய நண்பர்கள் தாங்களும் வந்து கலந்துகொண்டனர். குளித்துவிட்டு வெளியேறும் அவர்களின் படத்தை மட்டும் இங்குக் காணலாம்.

நீர்வீழ்ச்சியில் கிட்டத்தட்ட ஒருமணித்தியாலம் வரை செலவிட்டபின் கடற்கரைக்கு வந்தோம்.

நாங்கள் பயணம் மேற்கொண்டது 05.01.2008 சனிக்கிழமை. அன்று வெப்பநிலை 38 தொடக்கம் 40 பாகை செல்சியஸ் வரை இருந்தது. எனவே எதிர்பார்த்தபடி மக்கள் வெள்ளம் கடற்கரையில் கரைபுரண்டோடியது.
ஊரில் நடக்கும் தேர்த்திருவிழா (நன்றி: யோகன் பாரீஸ்) போன்றிருந்த இடங்களைத் தவிர்த்து சற்று சனசந்தடி குறைந்த இடத்தை எமது குளிப்புக்காகத் தேர்ந்தெடுத்தோம்.
எம்மைத் தவித்து, அவ்விடத்துக் காட்சிகள் சில படங்களாகத் தரப்பட்டுள்ளன.

கடற்குளிப்பு முடிந்ததும் BBQ போட்டோம். நாங்கள் ஒழுங்காகச் சாப்பிட்டோமோ இல்லையோ சுற்றியிருந்தவர்களை எழுந்து ஓடவைத்துவிட்டோம். வேறொன்றுமில்லை, எமது மசாலாத்தூள், மிளகாய்த்தூள், இன்னிபிற சமாச்சாரங்கள் எரிந்த மணத்தால் வந்த வினை.

திரும்பிவரும்போது நாலைந்து கடற்கரைகளில் நின்று வேடிக்கைபார்த்து வந்தோம். இறுதியில் இரவு ஒன்பது மணியளவில் Geelong கடற்கரையில் காலாற நடந்துவிட்டுத் திரும்பினோம்.
கூட வந்த நண்பனொருவனுக்கு நீர்வீழ்ச்சியடியில் பல்லும் சொண்டும் உடைந்த சம்பவத்தை விட்டால் இனிதான, நிறைவான பயணம்.
~~~~~~~~~~~~~~~~~~
இங்குள்ள படங்கள் யாவும் என்னால் எடுக்கப்பட்டவை. எனவே படங்களில் என்னைத் தேடவேண்டாம்.

நாங்களும் கடற்கரை போனோம் - பாகம் ஒன்று

2007-12-28T11:04:00.000+11:00

நேற்று (27.12.2007) நாங்கள் கடற்கரையொன்றுக்குப் போனோம்.
மெல்பேணிலுள்ள மிகப்பிரபலமான st. Kilda Beach க்குத்தான் போனோம்.
எடுத்த படங்களெல்லாவற்றையும் வெளியிட முடியாததால் இரண்டொரு படங்களை மட்டும் வெளியிடுகிறோம்.

மக்களைக் கிட்டவாகக் காட்சிப்படுத்தியவற்றைத் தவிர்த்து, தூரத்தில், ஒருமுனையில் நிற்கும் சிலரைக் காட்சிப்படுத்திய படமிது.

கடற்குளித்துக் கரைதிரும்பும் ஒருவர்.

மனம் கேட்காமல் இன்னொரு படம்.

~~~~~~~~~~~~~~~~~~~~~~~~~~~~~~~~~~

இவ்விடுகையில் இருக்கும் நீதிகள்:

நீதி ஒன்று: மெல்பேணிலும் அழகான கடற்கரைகளுள்ளன; ஏராளமான மக்கள் நாளாந்தம் வந்து போகிறார்கள்.

நீதி இரண்டு: 'கனியிருப்ப காய்கவர்ந்தது போல' கடற்கரை பார்க்க இஞ்சயிருந்து ஆயிரம் கிலோமீற்றர்கள் தாண்டிப்போய் கடற்கரையில படுத்துக்கிடந்து (கடலுக்க இறங்கி உடம்பை நனைச்சாலும் பரவாயில்லை; மணலில இருந்து விடுப்புப் பாக்க என்ன கோதாரிக்கு இவ்வளவு தூரம் போகோணுமெண்டது எனக்கின்னும் விளங்கேல) எழும்பிவாறதுக்கு உண்டான கொழுப்பு இந்த வெயிற்காலத்தோடயாவது கரையக்கடவது.

**** சிட்னிக் கடற்கரை மெல்பேணிலிருந்து கிட்டத்தட்ட ஆயிரம் கிலோமீற்றர்கள்.
**** விளங்கப் புத்தியுள்ளவன் விளங்கட்டும்.
**** தொடர்பற்ற ஆக்கள் குறுக்குச் சூடுகளுக்க ஆப்பிட வேண்டாம்.

Escalator பழுதடைந்தால் என்ன செய்வது?

2007-09-25T14:35:00.000+10:00

Broken Escalator - Watch more funny videos here

புகைப்படப் போட்டிக்கு....

2007-07-31T00:31:00.000+10:00

வலைப்பதிவர்களிடையே நடைபெறும் புகைப்படப் போட்டிகள் களிப்பூட்டுகின்றன.
இதற்கு முதல் நடந்த போட்டிகளைத் தவற விட்டுவிட்டேன்.

இப்போது நடப்பதில் கலந்து கொள்கிறேன்.

படத்தைப் பார்த்து உங்கள் கருத்துக்களைச் சொல்லுங்கள்.
படத்துக்கான தலைப்பை நீண்ட நேரம் யோசித்தேன். எதேச்சையாகத் தோன்றியதை அப்பிடியே வைத்துவிட்டேன்.

'ஒரு கோதாரி உணர்ச்சியுமில்லை'

கலப்பு நடனம் -1

2007-05-14T21:21:00.000+10:00

சிறுமியொருத்தி சில நடன வகைகளைக் கலந்து ஆடுகிறாள்.
சரி, தவறு என்பவற்றுக்கப்பால் பார்க்க இரசிக்கும்படியாக இருக்கிறது.

அச்சிறுமிக்கு ஏற்படக்கூடிய களைப்பையும், அது எதுவுமே வெளித்தெரியாமல் அவள் ஆடுவதையும் நினைக்க ஆச்சரியமாக இருக்கிறது. சிறந்த மூச்சுக்கட்டுப்பாடம் பயிற்சியுமின்றி இது சாத்தியமில்லை.

தமிழ்ப்பாட்டுக்கு ஆடுகிறார்கள். ஆனால் எல்லாமே இந்தி வாலாக்களாகத் தெரிகிறது.
பாடல்வரிகள் புரிந்துதான் ஆடுகிறார்களா?

பரீட்சார்த்த நேயர் விருப்பம்

2007-04-24T16:31:00.000+10:00

'சிஞ்சா மனுசி' கலையகம் அவுஸ்திரேலியாவிலும் தனது கிளையொன்றைத் தொடக்க நினைக்கிறது. தற்காலிகக் கலையகம் அமைக்கப்பட்டு பரீட்சார்த்தமாக 'நேயர் விருப்பம்' நிகழ்வொன்று VOIP நுட்பம் மூலம் நடத்தப்பட்டு ஒலிப்பதிவு செய்யப்பட்டது.
அப்பரீட்சார்த்த ஒலித் தொகுப்பை இங்கு வழங்குகிறேன்.

நேயருடனான கலந்துரையாடலும் பின்னர், நேயர் கேட்ட பாடலும் ஒலிபரப்பாகின்றன.
கலந்துரையாடியவர்கள்: அவுஸ்திரேலியாவிலிருந்து வசந்தன், கனடாவிலிருந்து சினேகிதி.
(கவனமாப் பாருங்கோ, ஆக்களைவிட நாடுகள்தான் முக்கியம்).

இது சோதனையென்பதால், ஒலிப்பதிவிலும் அறிவிப்பிலும் குறைகளுள்ளன. விரைவில் களையப்படும்.
இந்த வேலைக்கு எந்த உள்நோக்கமுமில்லை என்பதை அறியத்தருகிறோம்.

சயந்தன் வீட்டுப்பூனைக்கு நடந்தது என்ன?

2007-04-21T15:33:00.000+10:00

சயந்தனின் கொடுமை தாங்காமல் அவரின் வீட்டிலிருந்து பூனையொன்று தப்பிச்சென்றது வலைப்பதிவு வாசகர்கள் அனைவருக்கும் தெரிந்திருக்கும். 'பூனையின் வாக்குமூலம்' என்ற இடுகையில் பாதிக்கப்பட்ட பூனை தன் வாக்குமூலத்தைப் பதிந்திருந்தது.
அங்கிருந்து தப்பிய பூனைக்கு என்ன நடந்தது? அது என்ன செய்கிறது என்று அறிய பலர் ஆவலாயிருப்பீர்கள்.

எமது துப்பறியும் பிரிவு அப்பூனையைக் கண்டுபிடித்துவிட்டது.
அது இப்போது மிகமிக மகிழ்ச்சியாக ஆடிப்பாடி கொண்டாட்டமாக இருக்கிறது.
ஒரு கொடுமையாளனிடமிருந்து தப்பித்த மகிழ்ச்சியில் கொண்டாட்டமாக ஆடிப்பாடும் பூனையை மறைந்திருந்து படம்பிடித்தது எமது துப்பறியும்குழு.
அந்த காணொளிக் காட்சியை நீங்களும் கண்டுகளியுங்கள்.

அப்பூனையின் பாதுகாப்புக் காரணங்களுக்காக (வேறென்ன? தெரிந்தால் மீண்டும் அப்பூனை பழைய கொடுமைகளை அனுபவிக்க வேண்டிவருமென்பதுதான்) தற்போது அப்பூனை இருக்குமிடத்தைச் சொல்ல முடியாது.

"சிஞ்சா மனுசி" ஒலிப்பதிவுக் கலையகம் அறிமுகம் - ஒலிப்பதிவு

2007-03-25T11:05:00.000+10:00

யாருக்கும் தெரியாமல் புதிய ஒலிப்பதிவுக் கலையகமொன்றை ஒருவர் தொடங்கியிருக்கிறார். அதன் பெயர் 'சிஞ்சா மனுசி' யாம்.
அதன் பரீட்சார்த்த ஒலிப்பதிவுகளையும் செய்துகொண்டிருக்கிறார். விரைவில் பெருமெடுப்பில் இசையமைப்பு, பாடல் ஒலிப்பதிவு என்பவற்றைச் செய்ய இருக்கிறார்.

வெளிவரவிருக்கும் அவரது பாட்டுத்திரட்டொன்றில் இடம்பெறும் சிறு ஒலித்துண்டொன்று தற்செயலாக எனக்குக் கிடைத்தது. அதிகாரபூர்வமற்ற முறையில் அக்கலையகத்தையும் அச்சிறு ஒலித்துண்டையும் இங்கே அறிமுகம் செய்கின்றேன்.

பாடலைப் பாடுவது யாரென்று கண்டுபிடிக்க முடிகிறதா?

சற்றுமுன் கிடைத்த தகவற்படி அந்நபர் பாடல்வரிகளுக்காக ஏங்கிக்கொண்டிருப்பதாகத் தெரிகிறது. சரியான முறையில் பாடல்வரிகள் அமையாத அதிருப்தியில் அவர் இருக்கிறார்.
யாராவது பாடல் எழுதித்தந்தால் இசையமைத்துப் பாடலாக்கலாம் என்று விரும்புகிறார்.

எனவே எழுதத் தெரிந்த யாராவது அவருக்குப் பாடலெழுதிக் கொடுத்தால் நன்று.

ஒலிப்பேழை தொழிற்படாவிட்டால் இங்கே அழுத்துங்கள். தானாகத் தொழிற்படும்.

ஈழத்தவரின் Rap பாடல் ஒளிப்பதிவு

2007-02-19T14:58:00.000+11:00

ஈழத்து இளைஞர்களின் படைப்புக்களில் இதுவுமொன்று.
என்னை எவ்விதத்திலும் கவரவில்லையென்றாலும் நிறைய இரசிகர்கள் இருப்பார்களென்பதால் இதை இங்குப் பதிவாக்குகிறேன்.

இந்த rap ஐ என்னால் விளங்கிக்கொள்ள முடியவில்லை.
வன்னியில் இசைப்பிரியனின் இசையில் இப்படியொரு பாடல் வந்தபோது மூக்கின்மேல் கோபம் வந்தது. ஏனென்று தெரியவில்லை. (டி.சே கொடுக்குக் கட்டுறது தெரியுது. பொறும் ஐசே. உண்மையத்தான் சொல்லிறன்.) சிலவேளை என்போன்றவர்களின் எதிர்பார்ப்பை நிறைவுசெய்துகொண்டு, அதற்குமேல் இந்த முயற்சிகளில் இறங்கினால் கோபம் வராதோ என்னவோ?

இவரின் இன்னொரு பாடல் ஞாபகம்

சுனாமி நினைவுப்பாடல் -2

2006-12-26T22:46:00.000+11:00

~~2005~~ 2004ஆம் ஆண்டு நிகழ்ந்த சுனாமிப் பேரழிவை நினைவுகூர்ந்து பாடப்பட்ட பாடலது வீடியோத் தொகுப்பை இங்குப் பதிவாக்குகிறேன்.

இது என்னை அதிகம் பாதித்த பாடல். இசைநிகழ்ச்சியொன்றில் ஜோய்.மகேஸ்வரன் அவர்கள் பாடியபோதுதான் முதன்முதலில் இப்பாடலைக் கேட்டேன்.

சுனாமி நினைவுப்பாடல் -1

2006-12-26T10:42:00.000+11:00

~~2005~~ 2004 ஆம் ஆண்டு நிகழ்ந்த சுனாமிப் பேரழிவை நினைவுகூர்ந்து பாடப்பட்ட பாடலது வீடியோத் தொகுப்பை இங்குப் பதிவாக்குகிறேன்.

மதியுரைஞன்

2006-12-15T12:17:00.000+11:00

2002 ஆம் ஆண்டு வன்னியில் நடைபெற்ற பன்னாட்டுப் பத்திரிகையாளர் மாநாட்டில் எடுக்கப்பட்ட படம்.

மெழுகல்

2006-12-13T13:22:00.000+11:00

ஏற்கனவே இப்படம் வெளியிடப்பட்டது. ஆனால் படங்களுக்கென்று வைத்திருப்பது இப்பதிவாதலால் இங்கும் ஒருமுறை வெளியிடப்படுகிறது.

தொடர்புடைய சுட்டி: தாயகப் பயணம் - ஒரு வலைப்பதிவு அறிமுகம்

படஉதவி: கருணா

எலும்புக்கூட்டு நடனம்

2006-11-16T11:15:00.000+11:00

ஓர் எலும்புக்கூடு எப்படி பாட்டுப்பாடி நடனமாடுகிறது என்று பாருங்கள்.
மேடையில் பாடகரொருவர் செய்யும் அத்தனை சேட்டைகளையும் செய்கிறார் இவர்.

impresionnante - video powered by Metacafe

தமிழீழப் பெண்கள் எழுச்சிநாள் - தொகுப்பு 2

2006-10-13T21:12:00.000+10:00

சமர்க்களத்தில் பெண்புலிகள்

களத்தில் சிகிச்சையளிக்கும் போராளிகள்

மருத்துவப் போராளி

சிதைக்கப்பட்ட கவசத்தின் மேல் வெற்றி வீரர்களாக

வரலாற்றுப்புகழ் வாய்ந்த மாமுனைத் தரையிறக்கத்தில் நீருக்குள்ளால் கனரகப் பீரங்கியை இழுத்துச்செல்லும் பெண்புலிகள்

_____________________________________________
தமிழ்ப்பதிவுகள்

தமிழீழப் பெண்கள் எழுச்சிநாள் - தொகுப்பு 1

2006-10-10T20:00:00.000+10:00

இன்று 'தமிழீழப் பெண்கள் எழுச்சி நாள்'.
விடுதலைப்புலிகள் அமைப்பில் முதன்முதல் களப்பலியான பெண்போராளி 2ஆம் லெப். மாலதி அவர்கள் நினைவுநாளே 'தமிழீழப் பெண்கள் எழுச்சி நாளாக'அனுட்டிக்கப்படுகிறது.

10.10.1987 அன்றுதான் விடுதலைப்புலிகளுக்கும் இந்தியப் படைகளுக்குமிடையில் போர் மூண்டநாள். யாழ்ப்பாணத்தில் தமது முகாமிலிருந்து முன்னேறிய படையினருடன் புலிகள் போரிட்டனர். அப்போது கோப்பாய்ப்பகுதியில் நடைபெற்ற மோதலில் 2ஆம் லெப். மாலதி வீரச்சாவடைந்தார். புலிகளின் மகளிர் படையணியின் முதல் வீரச்சாவு அது.
அதன்பின் இன்றுவரை ஆயிரக்கணக்கான பெண்போராளிகள் தாயக விடுதலைக்காகத் தமதுயிரை அர்ப்பணித்துள்ளனர்.
இன்று கனரக ஆயுதங்கள் கையாள்வது தொடக்கம் சகல துறைகளிலும் பெண்புலிகள் பங்காற்றுகின்றனர்.
நேரடியான சண்டையணிகளாக
மாலதி படையணி
சோதியா படையணி
அன்பரசி படையணி உட்பட படைப்பிரிவுகளையும் கடற்புலிகளுட்பட சகல படைத்துறைப் பிரிவுகளிலும் பெண்கள் பங்கு வகிக்கின்றனர்.

ஓயாத அலைகள் சமரில் கொட்டும் மழைக்குள் கனரக ஆயுதத்தை இயக்கும் பெண்புலியணி.

களத்தில் மருத்துவப் போராளிகளாக

களத்தில் உற்ற தோழியாக

120mm மோட்டார் எறிகணையுடன் குட்டிசிறிப் பீரங்கிப் படையணிப் போராளி

120mm கனரகப் பீரங்கியுடன் பெண்புலிகள்

எதிரியிடம் கைப்பற்றிய கவச வாகனத்துடன் பெண்புலிகள்

விழுப்புண்ணேற்ற தோழியைக் காவிவரும் போராளி

_________________________________________
சில படங்கள்: அருச்சுனா

_________________________________________
தமிழ்ப்பதிவுகள்

நடிகர் நந்தா, நடிகை மதுமிதா செவ்வி

2006-10-08T12:25:00.000+10:00

'ஆணிவேர்' திரைப்படத்தில் நடித்த நடிகர் நந்தாவையும் நடிகை மதுமிதாவையும் கனடா தமிழ்ச்சோலை வானொலி செவ்வி கண்டது.
வன்னியில் தமக்கேற்பட்ட அனுபவங்கள், அங்குள்ள மக்கள், அவர்களின் வாழ்வுமுறைகள் பற்றி தமது செவ்வியில் சொல்கிறார்கள்.

அச்செவ்விகளின் ஒலிவடிவங்களை கீழ்க்காணும் இணைப்பில் கேட்கலாம்.

நடிகர் நந்தாவின் செவ்வி.

நடிகை மதுமிதாவின் செவ்வி.
_________________________________
நன்றி: தமிழ்நாதம்.

வாழ்க்கையோட்டம்

2006-09-30T17:42:00.000+10:00

படஉதவி: கருணா.

இடம்: வன்னி

வாய்ப்பூட்டு

2006-09-29T13:10:00.000+10:00

கைத்தொலைபேசியில் அவசரமாக எடுத்தது.

வெளியிடும் தரத்தில் இல்லை.
ஆனால் ஓர் அரசியலுக்காக இடலாமென்று நினைத்ததால் படத்தை வெளியிடுகிறேன்.
("இதுதான் 'சால்ஜாப்பு' எண்டு ஆரேன் சொல்ல வாறியளோ?")

இலங்கை நிலைவரம் - பிபிசி- ஒளிப்பதிவு

2006-09-03T11:37:00.000+10:00

இலங்கை நிலைவரம் பற்றிய சிறு ஒளித் தொகுப்பொன்றை பிபிசி வெளியிட்டுள்ளது.
புலிகளின் சில சண்டைக்காட்சிகள், முன்னாள் கண்காணிப்புக் குழுத் தலைவரின் செவ்வி என்பவை உட்பட்ட நான்கு நிமிடத் தொகுப்பை, கீழுள்ள இணைப்பை அழுத்திப் பார்க்கலாம்.

Link

மூதூரில் கொல்லப்பட்ட 16 தொண்டு நிறுவனப் பணியாளர்கள் பற்றியும் வவுனியாவில் கொல்லப்பட்ட 16 பேரின் சம்பவம் பற்றியும் சிறு ஒளித் தொகுப்பு.
Link

அம்பலம் -1

2006-09-02T14:49:00.000+10:00

வன்னியில் தயாராகும் 'அம்பலம்' என்ற ஒளித்தொகுப்பு கிழமைதோறும் தமிழீழத் தேசியத் தொலைக்காட்சியில் ஒளிபரப்பப்படுகிறது.
சமகால அரசியலைப் பற்றிக் கதைப்பதாக இக்கலந்துரையாடல் இடம்பெறுகிறது.
அவற்றின் அரசியற்கருத்துக்களுக்காக மட்டும் என்றில்லாமல் பேச்சுத் தமிழுக்காகவும் பார்க்கலாம்.
அடிக்கடி பழமொழிகள் சொல்லிக் கதைக்கும (நேரிற் கதைத்தாலும் அப்படித்தான்) தமிழ்க்கவி அம்மாவின் தயாரிப்பில் இடம்பெறுகிறது இந்த 'அம்பலம்' நிகழ்ச்சி.

பதிவு வலைத்தளத்தில் கிழமைதோறும் இவ்விணைப்புப் புதுப்பிக்கப்படுகிறது.
அதிலேயே தரவிறக்க வசதி செய்து தந்தாலும் இணைப்பு செயற்படவில்லை.
எனவே அப்பக்கத்துக்கான இணைப்பை மாத்திரம் இங்குத் தருகிறேன்.
ஒவ்வொரு கிழமையும் புதிய அம்பலம் வந்தவுடன் அதன் இணைப்பை இங்கு வெளியிடலாம் என்று நினைக்கிறேன்.

இவ்வார அம்பலம்: 01.09.2006

நன்றி: பதிவு

களைத்த புலி

2006-07-24T22:00:00.000+10:00

யாரென்று தெரிகிறது தானே?

இடம்: மணலாற்றுக்காடு.
காலம்: இந்திய இராணுவத்துடனான போர்க்காலம்.
___________________________
இப்படங்களைத் தந்தவருக்கு நன்றி.

கரும்புலிகள் நினைவுநாள் படங்கள்

2006-07-07T14:07:00.000+10:00

05.07.2006 அன்று கிளிநொச்சியில் நடைபெற்ற கரும்புலிகள் நினைவுநாளின் அணிவகுப்புப் படங்கள் சில.

அணிவகுப்பில் மக்கள் படை.

முழுமையாகப் பார்க்க இங்கே செல்லவும்.

நன்றி: தமிழ்நாதம்.

திருமண வாழ்த்து

2006-06-26T19:05:00.000+10:00

பெரும் எதிர்பார்ப்புக்கும் ஆர்ப்பாட்டங்களுக்குமிடையில் ஒருவழியாக திருமணம் நடந்து முடிந்துவிட்டது. நேற்று ஞாயிற்றுக்கிழமை (25.06.2006) சிட்னியில் கோலாகலமாக அத்திருமணம் நடந்தது.
அண்மைக் காலமாக பரபரப்பாகப் பேசப்பட்ட திருமணம் அது.
புகழ்பெற்ற திரைப்பட நடிகை Nicole Kidman க்கும் Keith Urban க்கும் நடைபெற்ற திருமணத்தைப்பற்றியே இங்கு எழுதுகிறேன்.

ஐந்து நாட்களுக்கு முன்னர்தான் தனது 39 ஆவது வயதைப் பூர்த்திசெய்தவர் கிட்மன்.
இத்தம்பதியர் நீடூழி வாழ எனது வாழ்த்து.

******************************
இத்திருமணத்தில் எனக்கு தனிப்பட்டதொரு மகிழ்ச்சியுண்டு. என்னையும் Nicole Kidman ஐயும் இணைத்துக் கிசுகிசு எழுதியவர்களின் வாய் இதன்மூலம் அடைக்கப்பட்டுள்ளது.

விரைவில் இன்னொரு திருமணத் தகவலோடும் வாழ்த்தோடும் உங்களைச் சந்திக்கும் வரை வணக்கம்கூறி விடைபெறுகிறேன்.

கோப்பிக் கலை

2006-06-06T22:10:00.000+10:00

நன்றி: Metacafe

பத்தாயிரம் பேரின் ஆயுதப்பயிற்சி

2006-06-06T00:09:00.000+10:00

வன்னியில் மக்களின் ஆயுதப்பயிற்சி நிறைவு நிகழ்வு நடைபெற்றது.
ஆயுதப்பயிற்சி பெற்ற பத்தாயிரம் பொதுமக்கள் இந்நிகழ்வில் கலந்துகொண்டனர்.

மக்களுக்கான ஆயுதப்பயிற்சி 1999 ஆம் ஆண்டு தொடக்கப்பட்டது. பின் வன்னியின் எல்லையைக் காப்பதற்கு சுழற்சி முறையில் மக்கள் களப்பங்காற்றினர். இதைவிட மக்கள் நேரடியாக சண்டைக்களங்களிற் பங்காற்றினர். ஓயாத அலைகள் -3 தொடங்கியபின் எல்லா சமர்முனையிலும் மக்களின் நேரடிப்பங்களிப்பு இருந்தது. யுத்தநிறுத்த ஒப்பந்தம் வரும்வரை ஒன்றரை வருட போரில் 300 பேர்வரையான பொதுமக்கள் போர்க்களத்தில் வீரச்சாவடைந்திருந்தனர்.
இம்மகள் படை 'எல்லைப்படை' என்ற பேரால் அழைக்கப்பட்டது.

இப்போது பெருமெடுப்பில் மக்களுக்கான ஆயுதப்பயிற்சி முன்னெடுக்கப்படுகிறது. இவ்வாறு பயிற்சி நிறைவுசெய்தவர்களில் பத்தாயிரத்துக்கும் மேற்பட்டவர்களை ஒன்றுதிரட்டி பயிற்சி நிறைவு நிகழ்வு முல்லைத்தீவு -புதுக்குடியிருப்பில் நடைபெற்றுள்ளது.

இந்நிகழ்வு பற்றிய படங்கள் கீழே.

படைப்பலம்தான் எமது உரிமைகளைத் தீர்மானிக்கும். எதிரி மனக்கனம் கொள்ளாதபடி எமது பலம் அடிக்கடி காட்டப்பட வேண்டும். பெருக்கப்பட வேண்டும்.

மக்கள் பயிற்சி பற்றி வன்னியன் எழுதிய பதிவொன்று.

படங்கள்: சங்கதி.

உரிமைக்குரல் - மேலதிக படங்கள் -3

2006-06-05T11:21:00.000+10:00

29.05.06 அன்று ஒஸ்ரேலியாவின் பாராளுமன்றம் முன்பாக ஈழத்தமிழர்களால் நடத்தப்பட்ட 'உரிமைக் குரல்' நிகழச்சியில் எடுக்கப்பட்ட படங்களின் இன்னொரு தொகுதி.
(ஏற்கனவே சில படங்கள் வெளியிடப்பட்டிருந்தன.)

என்ன பார்வை-2

2006-06-04T11:30:00.000+10:00

மெல்பேர்ண் கலைக்கண்காட்சி

மார்கழி 05.

உரிமைக்குரல் - மேலதிக படங்கள் -2.

2006-06-03T14:26:00.000+10:00

மெல்பேர்ண்

2006-06-03T10:10:00.000+10:00

மெல்பேணின் உயரக் கட்டடங்கள் சில.
உயரிய கட்டடங்களைக் காணவேண்டுமென்றால் மெல்பேர்ணின் நகர்ப்பகுதிக்குத்தான் வரவேண்டும். நகரின் மையமாக ஆறு ஒன்று ஓடிக்கொண்டிருக்கிறது. அதில் படகுச்சவாரி செய்வது பலரின் பொழுதுபோக்கு.
ஆற்று நீரைப் பார்த்தால் சத்தி வாற அளவுக்கிருக்கும். ஆனாலும் படகுச் சவாரி பிரபல்யம்.

உரிமைக்குரல் - மேலதிக படங்கள் -1.

2006-05-31T02:04:00.000+10:00

சுவிசில் நடைபெற்ற உரிமைக்குரல்

2006-05-30T10:16:00.000+10:00

சுவிசில் கொட்டும் மழையிலும் மூவாயிரம் வரையான மக்கள் கலந்துகொண்டு தமது உரிமைக்குரலை ஒலித்தனர்.
இதுபற்றி ஏற்கனவே மலைநாடன் பதிந்திருந்தாலும் மேலதிக படங்களுக்காக இப்பதிவு.

நன்றி: புதினம்

பாடகி மாயாவுக்கு அமெரிக்கா தடை

2006-05-26T01:57:00.000+10:00

புகழ்பெற்ற ராப் பாடகி மாயா அருட்பிரகாசத்தின் நிகழ்ச்சிக்கு அமெரிக்காவில் அனுமதி மறுக்கப்பட்டுள்ளது.
ஈழத்தைச் சேர்ந்த புலம்பெயர்ந்த பாடகி மாயா அருட்பிரகாசம் MIA என்ற பெயரில் பிரபலமானவர். இவரின் தந்தை அருளர் ஈரோஸ் இயக்கத்தின் மூத்த உறுப்பினராயிருந்தவர்.
ஏற்கனவே மாயா சில இசைநிகழ்ச்சிகளை அமெரிக்காவில் நடத்தியுள்ளார்.

இவரைப் பற்றி சகவலைப்பதிவாளர் டி.சே எழுதியுள்ளார்.
இவரின் நிகழ்ச்சியொன்றைப் பற்றி வாசன்பிள்ளை எழுதியுள்ளார்.

இந்த நிலையில் இப்போது அவர் அமெரிக்கா செல்வதற்கான விசா மறுக்கப்பட்டுள்ளது. இவரது ஈழ ஆதரவுக் கருத்துக்களாலேயே இத்தடை என்று தெரியவருகிறது.

மேலதிக செய்திகளுக்கு.

ஓவியம் வரைவது எப்படி?

2006-05-25T16:28:00.000+10:00

நன்றி: Metacafe.

பூவும் நடக்குது பிஞ்சும் நடக்குது

2006-03-14T00:01:00.000+11:00

இத்தலைப்பு ஈழத்துப் பாடலொன்றின் வரிகள்.

பி.பி.சி செய்திச்சேவை உலகளாவிய ரீதியில் நடத்திய சிறந்த பத்துப்பாடல்களுக்கான போட்டியில் ஐந்தாவது இடத்தைப் பெற்றது இப்பாடல். (நான்காவது 'ராக்கம்மா கையத்தட்டு').

யுத்தத்தின் போதான இடப்பெயர்வின் வலியைச் சொல்லும் இப்பாடல் ஆழமான தாக்கத்தைத் தரும்.

பூவும் நடக்குது பிஞ்சும் நடக்குது
போகுமிடம் தெரியாமல் - இங்கு
சாகும்
வயதினில் வேரும் நடக்குதே
தங்குமிடம் தெரியாமல்
கூடு கலைந்திட்ட குருவிகள் -
இடம்
மாறி நடக்கின்ற அருவிகள்.

விரும்பினால் முதல் முப்பது வினாடிகளையும் இங்கே கேட்டுப்பாருங்கள்.
முழுப்பாடலும் கிடைத்தால் பின்னொரு பதிவாகப் போடுகிறேன். அல்லது கிடைப்பவர்கள் அப்பாடலைத் தரலாம்.
***********************************
பாடல் வரிகள்: புதுவை இரத்தினதுரை.
பாடியவர்: திருமலைச் சந்திரன்.
***********************************
பாடல்: உதவி: பிபிசி இணையத்தளம்.
படம்: வன்னியிலிருந்து ஒருவர்

மூன்றுகுலை ஈன்ற வாழை.

2006-03-06T22:34:00.000+11:00

வன்னி-கிளிநொச்சியில் ஒரு வாழைமரம் மூன்று வாழைக்குலைகளை ஈன்றுள்ளது.
சாந்தபுரம் கணபதி சத்தியசீலனின் வாழத்தோட்டத்திலேயே இவ்வதிசயம் நிகழ்ந்துள்ளது.
படங்களைப் பாருங்கள்.

(உவங்களோட பெரிய அரியண்டம். எல்லாப்படத்திலயும் தங்கட பேரைப்போட்டு வச்சிருக்கிறாங்கள்.)

நன்றி: சங்கதி.

டி.சே. கடவுளானால்?

2006-02-24T10:47:00.000+11:00

டி.சே மான்மியம் -2.

கடவுளுக்கு அலுப்பு வந்தது. ஒருவனைப்பிடிச்சு கொஞ்ச நேரம் உலகத்தைக் கவனிக்கச் சொல்லிவிட்டு ஓய்வெடுக்கலாமென்று நினைத்தார்.
கடவுளிடம் மாட்டுப்பட்டவர் எங்கட சக வலைப்பதிவாளர் டி.சே.தமிழன்.

"இந்தா. என்ர வல்லமை முழுக்க உனக்குத்தாறன். கொஞ்ச நேரம் இதிலயிருந்து உலகத்தைப் பாத்துக்கொள். நான் உதிலயொருக்காப் போட்டு வாறன்"
எண்டு டி.சேக்குச் சொல்லி, என்னென்ன செய்யவேணுமெண்டும் சுருக்கமாச் சொல்லிக்குடுத்திட்டுப்போயிட்டார்.

டி.சே கடவுளாக இருந்தது வெறும் 5 நிமிசம்தான்.
அந்த 5 நிமிசத்தில டி.சே செய்த காரியத்தைக் கீழுள்ள இணைப்பிற் சென்று பாருங்கள்.

DJ is a god.
God is a DJ.

டி.சேயின்ர அடாவடி நடந்த சந்தி எதுவெண்டு ஆருக்காவது தெரியுமோ?

(DJ எண்டு பேர் வச்சிருக்கும் வரைக்கும் தப்பமுடியாதே?? எனக்கே அலுப்பு வந்து உம்மை விட்டால்தான்.)
அதுவரை,

மான்மியம் தொடரும்...

படம் இங்கேயே இணைக்கப்பட்டுள்ளது.

தமிழ்ப்பதிவுகள்

டி.சே. யை அழைக்கும் பேதை

2006-02-22T20:32:00.000+11:00

டி.சே. மான்மியம் 1.

எங்களின் சக வலைப்பதிவாளர் டி.சே.தமிழனை நினைந்துருகி பெண்ணொருத்தி பாடுகிறாள்.
இங்கே சென்று பாருங்கள்.
http://www.youtube.com/watch?v=-7lhhZWYXVg&search=dj%20funny

DJ!
Oh DJ!
Come on DJ!
(இப்படித்தான் அந்த அழைப்பு எனக்குக் கேட்கிறது).

இப்பேதையின் (or பேரிளம்பெண்?) அழைப்புக் கேட்டிடுமா டி.சேக்கு?

தமிழ்ப்பதிவுகள்

சரக்குக் கப்பல்.

2006-01-18T11:05:00.000+11:00

மெல்பேணில் காட்சிக்கு வைக்கப்பட்டிருக்கும் நூற்றைம்பது ஆண்டுகாலப் பழமையான சரக்குக் கப்பலொன்று.

வெக்கை

2006-01-02T09:00:00.000+11:00

படஉதவி: கருணா

தமிழ்ப்பதிவுகள்

கடகத்துட் குழந்தை.

2005-12-27T13:00:00.000+11:00

பட உதவி: கருணா

தமிழ்ப்பதிவுகள்

தாகம்-2

2005-12-23T01:32:00.000+11:00

பட உதவி: கருணா

தமிழ்ப்பதிவுகள்

காத்திருப்பு -4

2005-12-13T00:00:00.000+11:00

படஉதவி: கருணா

தமிழ்ப்பதிவுகள்

என்ன பார்வை?

2005-12-02T00:36:00.000+11:00

தமிழ்ப்பதிவுகள்

பலவந்தம் -2

2005-12-02T00:20:00.000+11:00

பட உதவி: கருணா

தமிழ்ப்பதிவுகள்

பெருக்கம்.

2005-12-02T00:18:00.000+11:00

படஉதவி: கருணா.

தமிழ்ப்பதிவுகள்

வான் பாய்கிறது இரணைமடு

2005-11-24T02:12:00.000+11:00

வன்னியின் மிகப்பெரிய குளம் இரணைமடு. இப்போது அங்குப்பெய்யும் கடும் மழையால் அக்குளம் நிரம்பிவிட்டது. கடந்த இருநாட்களாக அக்குளம் வான்பாய்ந்துகொண்டிருக்கிறது. அத்துடன் அக்குளத்தின் கதவுகள் திறக்கப்பட்டு பெருமளவு நீர் வெளியேற்றப்பட்டுக்கொண்டிருக்கிறது.
இனி அதுகுறித்தான செய்திகளுடன் படங்களும்.
______________________

கிளிநொச்சி இரணைமடுக் குளத்திலிருந்து நொடிக்கு 13,150 கன அடிநீர் வெளியேறிக் கொண்டிருப்பதாக நீர்பாசனத் திணைக்களத்தினர் தெரிவித்தனர்.
பல வருடங்களின் பின் இரணைமடுக்குளம் வான் பாய்வதும் குறிப்பிடத்தக்கது.
இரணைமடுக் குளத்தின் நீர்மட்டம் உயர்ந்து கொண்டிருக்கிறது. நேற்றுப் பிற்பகல் இரண்டு மணிவரை 34 அடி 9 ½ அங்குலம் நீர் நிறைந்துள்ளது.

குளத்தின் இடதுகரை வான்கதவுகள் ஐந்தும் நான்கு அடியும், வலதுகரை வான்கதவுகள் முழுமையாகவும் திறந்து விடப்பட்டுள்ளது. இந்த நிலையில் ½ அங்குலம் வான்பாய்ந்து கொண்டிருக்கின்றது. வான்கதவுகள் பதினொன்றினூடாகவும் அதைவிட வான்பாய்வதன் மூலமும் நொடிக்கு 13,150 கன அடிநீர் வெளியேறிக் கொண்டிருக்கின்றது.

படங்களும் செய்தியும்: புதினம்.

தமிழ்ப்பதிவுகள்

தோழமை

2005-11-17T21:09:00.000+11:00

தலைப்புத் தந்துதவிய 'பொடிச்சி'க்கு நன்றி.

பட உதவி: கருணா

தமிழ்ப்பதிவுகள்

தாய்மை

2005-11-14T21:11:00.000+11:00

பட உதவி: கருணா.

தமிழ்ப்பதிவுகள்

வெட்கமா?

2005-11-10T21:13:00.000+11:00

துக்கமா?
------------------------------------------
படஉதவி: கருணா

கோபமா?

2005-11-08T10:00:00.000+11:00

பட உதவி: கருணா.
(இதுவும் கருணா எடுத்ததன்று.)

பலவந்தம்-1

2005-11-06T21:02:00.000+11:00

படஉதவி: கருணா.
----------------------------------------

என் பதிவில் கருணா என்ற பெயரைப் பயன்படுத்தியுள்ளேன். அதன் கருத்து, அவர்தான் அனைத்துப் படங்களையும் எடுத்தவர் என்பதன்று. மாறாக எனக்கு அப்படங்கள் வன்னியிலிருந்து கிடைக்க ஏதுவாக இருந்தவர் என்பதே. பலபடங்கள் அவரால் எடுக்கப்பட்டவை. மிகுதி வேறுநபர்களால் எடுக்கப்பட்டவை. எனினும் அவரின் பெயரை மட்டுமே பயன்படுத்துகிறேன். பார்ப்பவர்களுக்குக் குழப்பங்கள் வரக்கூடாதென்பதற்காகவே இப்பதில்.

யானைகளும் புலியும்.

2005-10-25T10:58:00.000+10:00

இரணைமடுக்குளப் படங்கள்

2005-10-19T01:14:00.000+10:00

இது இரணைமடுக்குளத்தில் நீர் நிரம்பி கலிங்கு பாய்வதைக் காட்டுகிறது.

இதுதான் இரணைமடுக்குளத்தின் நீர் திறந்துவிடப்படும் பிரதான வாய்க்கால். நீர் திறந்துவிடப்படாத நேரத்தில் படம் எடுக்கப்பட்டுள்ளது.

இரணைமடுக்குளம் பற்றி மேலதிகமாய் அறிய வன்னியனின் பதிவிற்குச் செல்க.

வன்னியின் முதுகெலும்பு
இரணைமடுச் சரித்திரம்
வன்னியின் முகம்2
-----------------------------------
படங்கள்: அருச்சுனா இணையத்தளம்.

தமிழ்ப்பதிவுகள்

இது என்ன பூ?

2005-10-06T20:54:00.000+10:00

படங்கள்: கருணா.

காசு கொடுத்து ஆசை தீர்த்தல்

2005-10-04T13:16:00.000+10:00

இங்கே கடந்த ஞாயிறன்று super market க்குச் சென்றபோது ஓரிடத்தில் கூட்டம் நின்றது. உடன பூந்து பாத்தா 'நடு விறாந்தையில்' பட்டியொன்று அடைச்சு, அதுக்குள்ள ஆடுகள் கோழிகள், வாத்துக்கள் எண்டு கொஞ்சத்தை அடைச்சு வச்சிருக்கினம். அதுகள் மட்டுமில்ல கொஞ்ச குழந்தைப்பிள்ளையளும் அந்தப் பட்டிக்குள்ள நிக்குதுகள். பட்டிக்கு வெளியில தாய்தேப்பன் நிண்டு பாத்துக்கொண்டிருக்குதுகள். குழந்தைகள் பிராணிகளுக்குச் சாப்பாடு குடுக்கிறதும் அதுகளத் தடவிக்கொண்டிருக்கிறதுமாய் இருக்குதுகள்.

பட்டிக்கள்ள போக ரெண்டு டொலர், ஒரு சாப்பாட்டுப்பொட்டலம் (பிராணிகளுக்குத்தான்) அரை டொலர் எண்டு யாவாரம் நடக்குது. குழந்தைகள் சாப்பாட்ட வில்லண்டமாத் தீத்தினாலும் அதுகள் சாப்பிடுதுகளில்ல. எவ்வளவெண்டு தான் அதுகளும் சாப்பிடுறது?

அண்டைக்குக் குழந்தைப்பிள்ளையளுக்கு நல்ல பொழுதுபோக்கு. எங்கட ஊரிலயெண்டா காசு குடுக்காமலே அத்தனையும் கிடைக்கும். இஞ்ச காசு குடுத்து அனுபவிக்க வேண்டிக்கிடக்கு. அதுவும் குழந்தைகளுக்கு மட்டுந்தானாம். நானும் ரெண்ட டொலர் குடுத்து பட்டிக்குள்ள போய் விளையாடுவமெண்டா என்னோட வந்த ஆக்கள் விடேல. அது குழந்தைகளுக்குத்தானாம். அட காசு குடுத்தாலும் கிடைக்காத அனுபவங்கள் இதுகள்.

நான் படமெடுக்கேக்க ஒரு மாதிரிப் பாத்தாங்கள். அவசரத்தில படங்களொண்டும் ஒழங்கா வரேல. மின்கலமும் மட்டுமட்டாப்போச்சு. படத்துக்குக் குறைநினையாதையுங்கோ.

தமிழ்ப்பதிவுகள்

அந்தநாள் ஞாபகம்.....

2005-10-03T20:50:00.000+10:00

பட உதவி: வன்னியிலிருந்து கருணா.

தமிழ்ப்பதிவுகள்

பனைவேலி

2005-09-21T10:55:00.000+10:00

யாழ்ப்பாணத்தில் பனைகள் ஏராளமாயிருந்தன. (இப்போது இல்லை. ஏராளமான மரங்கள் அழிக்கப்பட்டுவிட்டன.) ஆனால் எங்குமே சீரானமுறையில் வரிசையாக நட்டுவளர்த்த பனைமரங்களை நான் பார்த்ததில்லை. எல்லாமே தன்பாட்டுக்கு வளர்ந்தவை தாம்.

தொன்னூறுகளின் தொடக்கத்தில் "2000 ஆம் ஆண்டு யாழ்ப்பாணத்தில் இரண்டுகோடிப் பனைகள்" என்ற திட்டத்தை விடுதலைப்புலிகள் முன்வைத்தார்கள். அதன்படி தமிழீழப்பொருண்மிய மேம்பாட்டு நிறுவனத்தால் அங்காங்கே ஆயிரக்கணக்கில் பனம்விதைகள் நடப்பட்டு அவை பராமரிக்கப்பட்டன. (அதுக்கென்ன பெரிய பராமரிப்பு. முளைக்காத விதைகளை அகற்றி புதுசா விதைக்கிறதுதான்).

யாழ்.வல்வை வெளியில் இப்படி ஆயிக்கணக்கான விதைகள் நடப்பட்டன. அதேபோல் கல்லுண்டாய் வெளியிலும் ஆயிரக்கணக்கான விதைகள் நடப்பட்டன. அவை முளைத்து சிறுவடலியாக இருந்தபோது பார்த்தேன். அப்போதுதான் நான் வரிசைக்கிரமத்தில் நடப்பட்டிருந்த பனங்காணியை முதன்முதற் பார்த்தேன்.

வன்னிக்கு வந்தபோது வேலியில் கதியால்களுக்குப் பதிலாக பனைகள் நிற்பதைக் கண்டபோது சிரிப்புத்தான் வந்தது. நல்ல நேர்த்தியாக வளர்ந்திருக்கும். இதோ அப்படி பனைகள் வேலியாக நிற்கும் படமொன்றைப் பாருங்கள். இது முல்லைத்தீவிலுள் முள்ளியவளைக் கிராமத்திலெடுத்த படம்.

எனக்கு இதைப்பார்த்து ஒரு ஞாபகம் வந்தது. இப்படி பனைகளை நட்டுவிட்டால் கதியால் அரக்கிற சண்டை வராதெல்லோ?
யாழ்ப்பாணத்தில எங்கயாவது இப்பிடி வேலியடைக்கப்பட்டிருந்தால் தெரிஞ்ச ஆக்கள் சொல்லுங்கோ.

இதோ முள்ளயவளையின்ர மேலதிக படங்கள் சில.

முத்தையன்கட்டுக்குளம்.

2005-09-19T12:09:00.000+10:00

இது நான் வன்னியில் அதிகம் நேசித்த முத்தையன்கட்டுக்குளம்.
முதற்படத்தில் நீங்கள் பார்ப்பது அதன் அணைக்கட்டு. குளத்தின் நீர்ப்பரப்பின் நீளப்பாட்டுத் தோற்றம் படத்தில் தெரியவில்லை. மிகவிசாலமான நீர்ப்பரப்பைக் கொண்டது இக்குளம்.

இரண்டாவது படத்தில் தெரிவது குளத்தின் வான்பாயும் கதவுகள். வான்பாயும் நேரத்தில் அணைக்கட்டுக்கும் மேலாக நல்ல உயரத்துக்கு நீர்த்துவாலைகள் எழும்பும். அக்கம்பக்கத்தில் மழைத்தூவானத்துள் நின்ற உணர்வைத்தரும். நீண்டதூரத்திலீருந்து பார்ப்பவர்களுக்கு இது ஒரு புகார்வடிவில் தெரியும்.

குளம் வான்பாய்கிறதென்றால் சுற்றுலா செல்வதுபோல மக்கள் சென்று பார்ப்பார்கள். வன்னியில் இரணைமடுக்குளமும் முத்தையன்கட்டுக்குளமும் வான்பாய்தலைப் பார்க்கப்போவதற்குப் பிரபலமானவை.

ஆனால் மிகப்பெறுமதியான இக்குளத்தின் கதவுகள் திருத்தப்படாததால் பெருமளவான நீர் எந்நேரமும் வெளியேறிக்கொண்டிருக்கும். அக்குளத்தின் அணைக்கட்டால் போய்வரும்போது மிகக் கவலையளிக்கும். ஒருநாளைக்கு மட்டும் இரண்டு லட்சம் லீற்றர் நீர் இக்குளத்திலிருந்து அநியாயமாக வெளியேறுவதாகக் கணக்கிடப்பட்டதுண்டு. அனால் நீருக்குப் பெருமளவு தட்டுப்பாடு நிலவாததால் இப்பிரச்சினை பெரிதாகத் தெரியவில்லைப் போலும். இதற்கு முக்கியகாரணம், பயிர்ச்செய்கை முழு அளவில் செய்யப்படாததே. இன்றும் இக்குளத்தின்கீழ் செய்கைபண்ணப்பட வேண்டிய நீறைய பிரதேசங்கள் செய்கைபண்ணப்படுவதில்லை.

இது வான்பாயும் நீர் விழுந்துஓடும் இடம். இப்போது படத்தில் தெரியும் நீர், தேங்கிநிற்கும் நீரன்று. மாறாக சேதமடைந்த கதவுகளுக்குள்ளால் வெளியேறி வீணாய்ப்போகும் நீர்.

வன்னியழகு -கிளிநொச்சி.

2005-09-19T01:58:00.000+10:00

இது கிளிநொச்சியிலுள்ள உருத்திரபுரம் கிராமம். நூறுவீதமும் நெற்செய்கை பண்ணப்படுகிற வயல்களைக் கொண்டபகுதி. இரணைமடுவின் துணையுடன் நல்லசெழிப்பாகக் காட்சிதரும் உருத்திரபுரம் அறுவடை நெருங்கும் காலங்களில் மிக அழகாக இருக்கும்.

-----------------------------------------------------------------------------------

இதுவும் கிளிநொச்சியிலுள்ள தட்டுவன்கொட்டி என்ற பகுதி. அனையிறவுக்கு அண்மையில் இருந்ததால் நீண்டகாலமாக மக்கள்குடியிருப்போ பயிர்ச்செய்கையோ இல்லாதிருந்த பூமி. இப்போது செழிப்புற்றுள்ளது.
தண்ணீரில் நிற்கும் வெள்ளையர்கள் அனேகமாய் வெளிநாட்டினராயிருக்க வேண்டுமென்று நினைக்கிறென்;-)

படங்கள்: அருச்சுனா இணையத்தளம்.

வன்னியின் வனப்பு

2005-09-15T15:01:00.000+10:00

இதோ இது என்ன இடமென்று உங்களால் ஊகிக்க முடிகிறதா?

ஆனையிறவு.
இந்தப்பெயரை எல்லோரும் கேள்விப்பட்டிருப்பீர்கள்.
இராணுவத்தின் பிடியில் அது இருந்தபோது அதன்வழியால் சென்றுவந்தவர்களின் அனுபவங்கள் அவ்வளவு நன்றாக இருக்காது.
அது புலிகளால் மீட்கப்பட்டபின்பு கூட அந்தப் பகுதியாற் சென்று வந்தவர்களுக்கு வெறும் வெட்டையும் சுட்டெரிக்கும் வெயிலும் மட்டுமே ஞாபகமிருக்கும்.

ஆனால் அதையெல்லாம் தாண்டி அந்த மண்ணில் இயற்கை அழகைப் படம்பிடித்துள்ளார்கள்.
ஆனையிறவுக்குள்ளால் சென்று வந்தவர்களுக்கு இப்படங்கள் ஆச்சரியமாயிருக்கலாம்.

இப்படியெல்லாம் அழகானதா ஆனையிறவு? என்று வியப்பதைவிட,
இப்படியெல்லாம் கூட அந்த இடத்தை அழகாகப் படமெடுக்க முடியுமா என்றே எனக்கு வியப்புத் தோன்றுகிறது.

இப்படத்தைப் பார்த்துவிட்டு ஒருவரிடம் தொடர்பு கொண்டு கேட்டேன்.
ஆம். பிறநாட்டுப் பறவைகள் வந்து 'பார்த்து விட்டுப் போகிறதாம்' ஆனையிறவை. (இறுதிப்படத்தில் 'ஆணை'யிறவென்று எழுதியிருந்தாலும் அது ஆனையிறவு தான்.)
அதைப் பார்க்கத்தான் கொடுத்து வைக்கவில்லை.

இப்படங்கள் போராளிகளால் எடுப்பட்டு அவர்களின் புகைப்படப்பிரிவு இணையத்தளமான அருச்சுனாவில் தொகுப்பட்டுள்ளன.
அவற்றிற் சிலவற்றை இங்கே பகிர்ந்து கொள்வதில் மகிழ்ச்சியடைகிறேன்.

குறிப்பு: இன்று ஆனையிறவு உப்பளம் மிகப்பெருமெடுப்பில் தொழிற்படுகிறது.வன்னியின் மிகமுக்கிய ஏற்றுமதியாக உப்புற்பத்தி விளங்குகிறது.

பூப்பூவாய்ப் பூத்திருக்கு.

2005-09-15T00:31:00.000+10:00

பட உதவி: கருணா.

முல்லைக் கடற்கரை

2005-09-10T20:53:00.000+10:00

இது முல்லைத்தீவின் கடற்கரை.இராணுவ முகாமிருந்தபோது போடப்பட்ட முள்வேலி அப்படியே கறள் பிடித்திருக்கிறது.

படத்துக்குக் காட்சிக் குடுத்துக்கொண்டிருக்கிறவர் ஆரெண்டு தெரியாது.விடுதலைப் புலிகளின் கடற்படையின் படகுகள் கடலிற் காட்டும் விளையாட்டைப் பார்த்துக் கொண்டிருக்கின்றனர் மக்கள்.
-----------------------------------------------

பட உதவி: கருணா.

வன்னியின் வளம் -பேராறு.

2005-09-09T22:33:00.000+10:00

பேராறு.
இதுதான் முத்தையன் கட்டுக்குளத்துக்கு நீர் வழங்கும் முதன்மையான ஆறு என்று சொல்லப்படுவதுண்டு. ஆனால் நான் குளத்திலிருந்து வெளியேறும் பேராற்றைத்தான் இதுவரை பார்த்திருக்கிறேன். குளத்தின் மற்றத் தொங்கலில் நீரைக் குளத்துக்கு வழங்கும் பேராற்றைக் காணும் சந்தர்ப்பம் கிடைக்கவில்லை.

இந்தப் பேராறு இறுதியில் முல்லைத்தீவின் நந்திக்கடலுடன் சேர்கிறது. யாழ்ப்பாணத்திலிருக்கும் வரை பெரிய குளங்களையும் பெருக்கெடுத்தோடும் ஆறுகளையும் கனவிற்கூடக் கண்டதில்லை. ஆனால் பேராற்றை முதன்முதல் பார்த்தபோது ஆச்சரியப்பட்டேன். அப்போது அதில் நீர் அவ்வளவாக இல்லை. ஒட்டுசுட்டான் புதுக்குடியிருப்பு வீதியை பேராறு குறுக்காக ஊடறுத்துச் செல்கிறது. அதைப் பேராற்றுப்பாலம் என்று சொல்வர்.

அந்த இடத்தில் குறைந்தது 30 அடி ஆழமாவது இருக்கும். மக்கள், மாரியில் பேராறு இந்தப் பாலத்தின் மேலாகப் பாயுமென்று சொல்வர். நான் நம்பவில்லை. ஆனால் ஒரு மாரியில், பேராறு பெருக்கெடுத்துவிட்டதென்று கேள்விப்பட்டு அடை மழைக்குள்ளால் நீண்டதூரம் சைக்கிள்மிதித்து பேராற்றுப் பாலம் வந்து அந்தப் பெருக்கெடுப்பைக் கண்டுகழித்தேன். அப்போதெல்லாம் படமெடுத்துவைப்பதைப்பற்றி யார் யோசித்தது?

தண்ணி வடிந்து முடிய பேராற்றின் கரையில் நிற்கும் பாரிய மருதமரங்களின் கொப்புகளில் ஒன்றிரண்டு ஆடோ மாடோ இறந்தநிலையில் செருகுப்பட்டிருக்கும்.

பேராற்றைச் சுற்றியிருக்கும் பென்னம்பெரிய மருத மரங்கள், அதன்மேல் தங்கியிருக்கும் வெளவால்கள் எனக்குப் பிடிக்கும்.

பேராற்றுத்தண்ணி தூய்மையாக இருக்கும். கோடையில் மிகமிகத் தெளிந்த நீர் கண்ணாடிபோலிருக்கும். இங்கே ஒஸ்ரேலியாவில் கலங்கிய சேற்றுத்தண்ணியைக்கூட அணைகட்டி அதை ஒரு பொழுதுபோக்குப் பூங்காவாக்கி வைத்திருக்கிறார்கள். இதைப் பார்த்தபோது எனக்கு வன்னியின் தெளிந்த, கவனிப்பாரற்ற பேராறு ஞாபகம் வரும்.

படஉதவி: கருணா.

வன்னி வளம்.

2005-09-09T16:25:00.000+10:00

இது வன்னியின் வளம் நிறைந்த முத்தையன்கட்டுக் குளத்தின் கீழான பயிர்ச்செய்கைப் பிரதேசம்.

பட உதவி: கருணா

தெரிந்தாற் சொல்லுங்கள்.

2005-09-07T01:21:00.000+10:00

இப்படத்திலுள்ள பூ என்னவென்று சொல்லுங்கள் பார்ப்போம்.

பலருக்கு ஞாபகமிருக்குமென்று நினைக்கிறேன்.
அத்தோடு அப்பெயர் ஏன் வந்ததென்றும் சற்று விளக்கினால் நன்று.

சரிசரி, நேரமாயிட்டுது... போயிட்டு வாறன்.

குழந்தைகள்

2005-09-05T18:25:00.000+10:00

ஜம்புக்காயுடன்.

குழந்தை குடைந்த ஜம்புக்காய்

அந்தநாள் ஞாபகம்.

**********************************************
இந்தப் படத்திலிருருப்பவர்களைக் குழந்தையென்று சொல்லலாமா என்று யாரும் கேட்கவேண்டாம்.
பத்துக்கிலோ துப்பாக்கியைத் தூக்கிச் சண்டை செய்பவனையே 'குழந்தைகள்' என்று விளம்பும் அறிஞர்களிடையில் எழுதும்போது இப்படித்தான் எழுத வேண்டும்.

பட உதவி: கருணா.

சுழன்று எரிகிறது உன்பெயர்.

2005-09-03T21:08:00.000+10:00

மாவீரனே!
உரமேறிக் கறுத்த
பனையின் காலாய்
ஊன்றி நிற்கிறது
உன் மரணம்.

இழந்த உடலிலிருந்து
சிறகடித்து வந்து
எங்கள்
இதயத்தில் உட்கார்ந்திருக்கிறது
உன் பெயர்.

நாங்கள்
ஒவ்வொருவராய்
சொல்லச் சொல்ல
உன் ஒற்றைப்பெயர்
இலட்சம் பெயராகிறது.

உனக்காக
ஏற்றி வைக்கப்பட்ட
தீபத்தின் நாக்கு
காற்றின் குரலெடுத்து
சுழற்றிச் சுழற்றி
சொல்கிறது உன் பெயரை.

உன் பெயர்
தெறித்து விழுகிறது
எங்கள் விளக்குகளிலும்
எதிரிகளின் உடல்களிலும்.

நீ இல்லாமல் போனாலும்
உம் பெயரில்லாமல்
எதுவும் இல்லை இங்கு.

பழநிபாரதி.

நன்றி- மண் -தை.2002
(கவிஞர் அறிவுமதியால் நடத்தப்படும் சஞ்சிகை.)

குழந்தைகள்

2005-09-03T20:44:00.000+10:00

தனியாகவொரு நங்கை.

தமையனுடன் தங்கை.

பட உதவி: கருணா

வசந்தம் வரவேற்கிறது

2005-09-03T20:41:00.000+10:00

ஏற்கெனவே ஒரு வலைப்பக்கத்தை வைத்திருந்தாலும் சில தேவைகளுக்காக இன்னொரு பக்கத்தை நிறுவ நினைத்தேன்.

அதுதான் வசந்தம் என்ற பெயருடன் வந்துள்ளது.

இவ்வலைப்பக்கத்துக்கு வந்த அனைவருக்கும் நன்றி.