திருமண வாழ்த்து

பெரும் எதிர்பார்ப்புக்கும் ஆர்ப்பாட்டங்களுக்குமிடையில் ஒருவழியாக திருமணம் நடந்து முடிந்துவிட்டது. நேற்று ஞாயிற்றுக்கிழமை (25.06.2006) சிட்னியில் கோலாகலமாக அத்திருமணம் நடந்தது. அண்மைக் காலமாக பரபரப்பாகப் பேசப்பட்ட திருமணம் அது. புகழ்பெற்ற திரைப்பட நடிகை Nicole Kidman க்கும் Keith Urban க்கும் நடைபெற்ற திருமணத்தைப்பற்றியே இங்கு எழுதுகிறேன். ஐந்து நாட்களுக்கு முன்னர்தான் தனது 39 ஆவது வயதைப் பூர்த்திசெய்தவர் கிட்மன். இத்தம்பதியர் நீடூழி வாழ எனது வாழ்த்து. ****************************** இத்திருமணத்தில் எனக்கு தனிப்பட்டதொரு மகிழ்ச்சியுண்டு. என்னையும் Nicole Kidman ஐயும் இணைத்துக் கிசுகிசு எழுதியவர்களின் வாய் இதன்மூலம் அடைக்கப்பட்டுள்ளது. விரைவில் இன்னொரு திருமணத் தகவலோடும் வாழ்த்தோடும் உங்களைச் சந்திக்கும் வரை வணக்கம்கூறி விடைபெறுகிறேன்.

கோப்பிக் கலை

நன்றி: Metacafe

பத்தாயிரம் பேரின் ஆயுதப்பயிற்சி

வன்னியில் மக்களின் ஆயுதப்பயிற்சி நிறைவு நிகழ்வு நடைபெற்றது. ஆயுதப்பயிற்சி பெற்ற பத்தாயிரம் பொதுமக்கள் இந்நிகழ்வில் கலந்துகொண்டனர். மக்களுக்கான ஆயுதப்பயிற்சி 1999 ஆம் ஆண்டு தொடக்கப்பட்டது. பின் வன்னியின் எல்லையைக் காப்பதற்கு சுழற்சி முறையில் மக்கள் களப்பங்காற்றினர். இதைவிட மக்கள் நேரடியாக சண்டைக்களங்களிற் பங்காற்றினர். ஓயாத அலைகள் -3 தொடங்கியபின் எல்லா சமர்முனையிலும் மக்களின் நேரடிப்பங்களிப்பு இருந்தது. யுத்தநிறுத்த ஒப்பந்தம் வரும்வரை ஒன்றரை வருட போரில் 300 பேர்வரையான பொதுமக்கள் போர்க்களத்தில் வீரச்சாவடைந்திருந்தனர். இம்மகள் படை 'எல்லைப்படை' என்ற பேரால் அழைக்கப்பட்டது. இப்போது பெருமெடுப்பில் மக்களுக்கான ஆயுதப்பயிற்சி முன்னெடுக்கப்படுகிறது. இவ்வாறு பயிற்சி நிறைவுசெய்தவர்களில் பத்தாயிரத்துக்கும் மேற்பட்டவர்களை ஒன்றுதிரட்டி பயிற்சி நிறைவு நிகழ்வு முல்லைத்தீவு -புதுக்குடியிருப்பில் நடைபெற்றுள்ளது. இந்நிகழ்வு பற்றிய படங்கள் கீழே. படைப்பலம்தான் எமது உரிமைகளைத் தீர்மானிக்கும். எதிரி மனக்கனம் கொள்ளாதபடி எமது பலம் அடிக்கடி காட்டப்பட வேண்டும். பெருக்கப்பட வேண்டும். மக்கள் பயிற்சி பற்றி வன்னியன் எழுதிய பதிவொன்று. படங்கள்: சங்கதி.

உரிமைக்குரல் - மேலதிக படங்கள் -3

29.05.06 அன்று ஒஸ்ரேலியாவின் பாராளுமன்றம் முன்பாக ஈழத்தமிழர்களால் நடத்தப்பட்ட 'உரிமைக் குரல்' நிகழச்சியில் எடுக்கப்பட்ட படங்களின் இன்னொரு தொகுதி. (ஏற்கனவே சில படங்கள் வெளியிடப்பட்டிருந்தன.)

என்ன பார்வை-2

மெல்பேர்ண் கலைக்கண்காட்சி மார்கழி 05.

உரிமைக்குரல் - மேலதிக படங்கள் -2.

29.05.06 அன்று ஒஸ்ரேலியாவின் பாராளுமன்றம் முன்பாக ஈழத்தமிழர்களால் நடத்தப்பட்ட 'உரிமைக் குரல்' நிகழச்சியில் எடுக்கப்பட்ட படங்களின் இன்னொரு தொகுதி. (ஏற்கனவே சில படங்கள் வெளியிடப்பட்டிருந்தன.)

மெல்பேர்ண்

மெல்பேணின் உயரக் கட்டடங்கள் சில. உயரிய கட்டடங்களைக் காணவேண்டுமென்றால் மெல்பேர்ணின் நகர்ப்பகுதிக்குத்தான் வரவேண்டும். நகரின் மையமாக ஆறு ஒன்று ஓடிக்கொண்டிருக்கிறது. அதில் படகுச்சவாரி செய்வது பலரின் பொழுதுபோக்கு. ஆற்று நீரைப் பார்த்தால் சத்தி வாற அளவுக்கிருக்கும். ஆனாலும் படகுச் சவாரி பிரபல்யம்.